USHAURI WA 50CENT KWA WAJASIRIAMALI

Curtis James Jackson III , kwa jina maarufu 50CENT ni mjasiriamali wa kuheshimika huko Marekani na duniani kwa ujumla. Mbali na Muziki, ambapo wimbo wake wa In Da Club, ulimpatia jina kubwa kwa mara ya kwanza na kuongoza kundi na label ya GUNIT, mwanamuziki huyo wa miondoko ya RAP, anamiliki makampuni ya biashara nje ya hata Muziki. Makala hii inakupa dondoo ya  baadhi ya mambo makubwa aliyokwisha fanya na pia ushauri wake 50CENT kwa wajasiriamali wengine.

Kwa sasa 50 Cent anamiliki kampuni ya SK Energy inayotengeneza kinywaji maarufu cha kuleta nguvu ya mwili kiitwacho SK Energy. Fuatilia kampuni ya SK Energy kwa kubofya hapa.

Mbali ya hivyo , 5OCENT anamiliki kampuni ya mambo ya Teknolojia ambapo yeye mwenyewe ndie mkurugenzi muendeshaji. Kampuni hiyo ya Teknolojia inaitwa SMS AUDIO. Kampuni hii ya Teknolojia aliianzisha mwaka 2011.

Ukiachilia na ukweli kuwa ndiye Afisa Muendeshaji wa SMS AUDIO, mwanamuziki huyo kwa kutumia uzoefu wake wa muziki, ameshiriki katika kubuni na kuunda vifaa vya kusikilizia muziki – headphones ambavyo vina ubora wa hali ya juu. Bofya hapa kutembelea website ya SMS AUDIO.

50CENT pia anamiliki kampuni ya kutengeneza movie, na kutengeneza Games.

Ukiachilia umiliki wa makampuni yake binafsi ya kuzalisha bidhaa, 50CENT ameshawahi kufanya mkataba na Reebook kutengeneza raba, amewahi pia kufanya  mkataba wa kutengeneza uturi (spray).

Alipohojiwa website maarufu ya FORBES, kuhusu siri ya mafanikio yake katika muziki na biashara, 50CENT alisema  ni kujitoa kwa nguvu zote katika kufanya kazi kwa ajili ya watu. Anasema 50CENT kuwa bidhaa inayotolewa na mjasiriamali ni zao la mwisho la kujitoa kwa mjasiriamali husika, hivyo kila anapouza bidhaa anauza nguvu au uzoefu wake katika jambo husika. 

Na zaidi ya yote, uwezo wa kufanya jambo bila kuogopa hasara, kufanya jambo kwa nadharia kuwa hakuna cha kupoteza.

Sikiliza na kuangalia video hii yenye kukudokeza uwekezaji mkubwa katika ujasiriamali uliofanywa na 50CENT.